சிவார்ப்பணம்

Nothing is Mine, Everything Is Yours, O Mercyful Lord Arunachchala! என்னுடையது எதுவுமில்லை, அனைத்தும் உன்னுடையதே, அருளாளா!அருணாச்சலா! தன்னை அறியும் தவமே பெரிதென்று தரணியில் தவம் புரிவோரெல்லாம் சிவனை அறிவார், சிவமே ஆவார்"."Every Visitor to my Dwelling is GOD SHIVA HIM SELF"

உங்கள் தேடல் தான் என்ன?

"All life is Yoga" வாழ்க்கை முழுவதுமே யோகம்! இது ஸ்ரீ அரவிந்தர் சொன்னது! வாழ்க்கையின் எந்த ஒரு அம்சத்தையும், அனுபவத்தையும் நிராகரிக்காத முழுமையான பார்வை இது.சித்தர்களைப் படிப்பதில்,அவ் வெண்ணங்களைப் பகிர்ந்து கொள்வதில் மிக்க ஆர்வம் உள்ளவள். நவ கோடாணு கோடி சித்தர்கள் இப் பிரபஞ்சத்திலே இருக்கின்றார்கள். நம் கண்ணுக்கு புலப்படவில்லை என்பதால் இல்லை என்று நம்மால் சொல்லிட முடியுமா?

உங்களின் தேடல் தான் என்ன?
இந்த கேள்வியை நீங்கள் படித்த உடன் உங்களுக்குள் கண்டிப்பாக தேடிப் பார்ப்பீர்கள். என்ன தான் உங்களின் தேவை என்று. ஆனால் ஒரு நிமிடம் இந்த கேள்வியை படித்ததும் தயவு செய்து உங்களின் தேடல் தான் என்ன என்று அமைதியாக ஒரு நிமிடம் யோசித்து தெளிவு பெறுங்கள். அதற்கான முயற்சியில் இறங்குங்கள். அனைத்தும் அவன் அருளால் அம்சமாக நடந்தேறும். இது நாள் வரையில் என் வாழ்க்கையை நடத்துபவனும் அவனே. நடத்திக் கொண்டிருப்பவனும் அவனே.
பலர் தேடித் தேடி கடைசி வரையில் விடைகாண முடியாமல் அப்படியே வாழ்க்கையை முடித்துக் கொள்கிறார்கள். சிலர் விடை கண்டு பிடித்தாலும் கடைந்தேற முடியாமல் போய் விடுகிறது, அதற்கு காரணம் இந்த கலியுகம்,.பலர் குருவைத் தேடித் தேடி நேரத்தை செலவழித்து விடுகின்றனர். ஆனால் இந்த கலியுகத்தில் குரு கிடைக்க வேண்டியவர்களுக்கு மட்டும் தான் குரு கிடைப்பார் என்பது என்னால் ஏற்றுக்கொள்ள முடியாத ஒன்று.
இறையை நீங்கள் மனதார நினைத்து நினைவால் தினமும் ஆராதனையும் பாராயணமும் செய்தால் அந்த இறையே குருவாக உங்களுக்கு வந்துதிப்பார். அல்லது உதிக்க வைப்பார். ஏன் இது??? நிற்க, யோசிக்க.
இறையே உங்களுக்காக உதவ வரும் போது ஏன் ஒரு குரு...அவரே குருவாகி விடுவாரே எனும் போதினிலே..!
யாரும் காலத்தின் பிடியில் இருந்து தப்ப முடியாது. எல்லாம் அவன் அருளாலே என்று விட்டு விடுங்கள் . ஆனால் அவனை உறுதியாக பிடித்துக் கொள்ளுங்கள் அது போதும்.
அதுவும் இந்த கலிகாலத்தில் அவனை அடைவது மிகவும் கடினம் ., அப்படி மீறி அவனை அடைபவர்கள் எப்பேர் பட்டவர்கள் என்று சொல்லித் தெரிவதில்லை.
எப்படி எப்படியோ இறையைத் தேடுபவர்களில் இப்படியும் அடையலாம் என்று ஒரு குறிக்கோளே இல்லாமல் தேடியவர்களில் நானும் ஒருத்தி. பக்கத்திலேயே இருப்பான் ஆனால் இருக்கமாட்டான் அவன் தான் இறைவன்,.
ஆனால் எப்போதும் அவன் நம்மை வழி நடத்துவான் என்று உறுதியாக நம்புங்கள்.
சிவமே என்று தொழுவோர்க்கு அகமே சிவம் எனும் தத்துவத்தை எளிதில் புரியவைப்பான் அவன்.
எல்லா மதத்திலும் பல நல்ல விசயங்களும் சில இந்த கால கட்டத்துக்கு தேவையில்லாத விசயங்களும் இருக்கின்றன. ஒரு அன்னப் பறவை போல தேவையானவற்றை கடைப் பிடித்து தேவை இல்லாதவற்றை விலக்கினாலே நல் வழி புலப்படும்.அந்த தெளிவே நம்மை ஞானத்தை நோக்கி இட்டுச் செல்லும்.
சித்தர்களை என்று வணங்க ஆரம்பிகின்றோமோ அன்றே ஞானத்திற்கான வாயில் திறக்கப் படுகிறது.
எவ்வளவு இருந்தாலும், ஞானம் தான் மனிதன் அடைய வேண்டிய உன்னத லட்சியம். அதை நோக்கிப் பயணிப்பது மனிதனாகப் பிறந்த ஒவ்வொருவரின் கடமை. ஞானப் பயணமே நம் லட்சியப் பயணம்.

கடவுளை நாம் ஏற்றுகொண்டிருக்கிறோமா இல்லையா என்பது ஒரு விஷயமே அல்ல. அவர் நம்மை ஏற்றுக் கொள்ளும் நிலைமையில் நம்முடைய வாழ்க்கையும் செயல்பாடும் இருக்கிறதா என்பதையே அனைவரும் ஆராய வேண்டும் என்பது என் அபிப்பிராயம். நல்லவனாக இருந்து நாலு பேருக்கு நம்மால் இயன்ற நன்மையை செய்வதை விட மிகப் பெரிய ஆன்மிகம் இந்த உலகில் எதுவும் இல்லை. "சிவார்ப்பணம்" எனது வலையத்தள மின் நூலகம்’.நீங்களும் இந்த மின் நூல் நிலையத்திற்குள் நுழைந்து உங்களுக்கு விருப்பமான பகுதிகளை வாசிக்கலாம். இவை உங்களுக்குப் பயன்படுபவையாக இருக்க விரும்புகின்றேன்.
நன்றி

என்றென்றும் நட்புடன்,
அறிவுமதி. N
கனடாவிலிருந்து..
ஐப்பசி 14, 2010